Rapport de stage effectué dans un cabinet juridique au Rwanda

CONCLUSION NO.4

UMWANZURO W'UBUJURIRE BWA UWIMANA Ancilla RY'URUBANZA RC 0099/010/TGI/HYE RWACIWE N'URUKIKO RWISUMBUYE RWA HUYE KUWA 20/04/2011.

UREGA: UWIMANA Ancilla mwene KABAGEMA na

NYIRAMAFARANGA,utuye Umudugudu wa Kiciro, Akagari ka Musongati ,Umurenge wa Nyarusange,Akarere ka Muhanga, Intara y'Amajyepfo.

ABAREGWA: ABAZUNGURA BA BISANGWA ARIBO :

1.MUTEMBE Viateur mwene BISANGWA na MUKASHAMUKIGA,utuye Akagari ka Mbiriri,Umurenge wa Nyarusange ; Akarere ka Muhanga ; Intara y'Amajyepho.

2. MUKANDORI Sophie mwene BISANGWA na MUKASHAMUKIGA,utuye Akagari ka Remera, Umurenge wa Nyamabuye ; Akarere ka Muhanga ; Intara y'Amajyepho.

3. TWAGIRAMALIYA Leoncie mwene BISANGWA na MUKASHAMUKIGA,utuye, Umurenge wa Mushishiro ; Akarere ka Muhanga ; Intara y'Amajyepho

IKIREGERWA: Kujuririra urubanza RC 0099/010/TGI/HYE rwaciwe n'Urukiko Rwisumbuye rwa Huye kuwa 20/04/2011

MU RUKIKO RUKURU URUGEREKO RWA NYANZA.

ISOBANURA MPAMVU Z'UBUJURIRE RW'URUBANZA RWAVUGIWE NOMERO HARUGURU :

23

I.IMITERERE Y'IKIBAZO :

UWIMANA Ancilla yareze uwitwa BISANGWA Sylvestre ko amubereye mu mutungo we wasizwe na se KABAGEMA, amusaba ko yamuha umunani wa se kuko ntaburenzira yarawufiteho. Uwo mutungo BISANGWA Sylvestre akaba yari yarawutijwe na SEGAHIRU se wa KABAGEMA kuko uyu yari amaze kwitaba Imana ndetse n'umugore we basiga UWIMANA Ancilla ari umwana muto. Aho amariye gukurira atangira gukurikirana Umutungo wa babyeyi be kuva 1983 muri Kanto ya Mushubati kugera mu Rukiko Rusesa Imanza. Urukiko Rusesa Imanza kuwa 09/04/1988 Rutegeka ko Urubanza RCA 8376/19 rwaciwe n'Urukiko rwa Mbere rw'Iremezo rwa Gitarama kuwa15/05/1987 rusheshwe kandi ko rwimurirwa mu Rukiko rwa Mbere rw'Iremezo rwa Nyabisindu rukakaba arirwo rwongera kurusuzuma bundi bushya.

Urubanza rugeze mu Rukiko rwa Mbere rw'Iremezo rwa Nyabisindu rwaraburanishijwe ariko Urukiko ruza gutegeka ko habaho iperereza. Ibyo ariko ntibyabayeho kuko Jenoside n'intambara byahise bitangira. Nyuma aho abantu batangiye kwisuganyaUWIMANA Ancilla yagiye mu Rukiko gushaka uko urubanza rwakomeza asanga urwari Urukiko rwa Mbere rw'Iremezo rwa Nyabisindu rwimuriwe mu Rukiko rwa Mbere rw'Iremezo rwa Butare.UWIMANA Ancilla yaje gukurikirana iby'urwo rubanza rwe ariko abura za kopi z'urubanza. Kopi zaje kuboneka nyuma, azivanye mu Rukiko Rw'Ikirenga. Aha rero niho UWIMANA Ancilla yaje kuregera Urukiko Rwisumbuye rwa Huye kugirango rwongere rusuzume bundi bushya Urubanza RCA 8376/19 rwaciwe n'Urukiko rwa Mbere rw'Iremezo rwa Gitarama nkuko byategetswe n'Urukiko Rusesa Imanza.

1. Tariki ya 27/10/2008 nibwo UWIMANA Ancilla yatanze ikirego gihabwa n° RCA 0205/08/TGI/HYE. Kuwa 09/04/2009 Urukiko Rwisumbuye rwa Huye Rwemeza ko ikirego kitakirwa kuko cyatanzwe nabi kuko yari yareze Abazungura ba BISANGWA kandi ntaho bigeze bagaragara kuva urwo rubanza rwatangira muri Kanto ya Mushubati kugera mu Rukiko Rusesa Imanza. Nyuma UWIMANA Ancilla yaje kongera gutanga ikirego neza noneho arega BISANGWA nk'uko amategeko abiteganya kuko ariwe wari mu rubanza, urubanza ruhabwa n° RCA 0057/TGI/HYE. Ibyo akaba yarabikoze agamije gusaba Urukiko ko hahamagazwa Abazungura ba BISANGWA kuko uyu we yari

24

yaritabye Imana kandi azanye icyemezo ko yitabye Imana. Nanone Urukiko Rwisumbuye rwa Huye kuwa 27/05/2009, Rwemeza kutakira ikirego ruvuga ko urubanza rwabaye itegeko. Nyamara Urukiko rwirengagiza ko iyo ikirego kitakirewe kubera ko cyatanzwe nabi cyangwa bareze udafite ububasha hongera hagatangwa bundi bushya ikirego neza bityo rukaba ntaho rwari guhera ruvuga ko Urubanza rwabaye itegeko kandi rutarigeze rusuzumwa mu mizi yarwo.

2. Ubwo noneho UWIMANA Ancilla yareze neza arega Abazungura ba BISANGWA aribo : MUTEMBE Viateur ; MUKANDORI Sophie na TWAGIRAMALIYA Leoncie nkuko amategeko abimwemerera cyane ko UWIMANA Ancilla yari yaragaragarije Urukiko Rwisumbuye rwa Huye icyemezo kigaragaza ko uwo baburanaga ariwe BISANGWA atakiriho cyari cyatanzwe n' ubuyobozi bw'Umurenge wa Nyarusange. Icyo kirego cyahawe n° RC OO99/010/TGI/HYE. Nanone kuwa 20/04/2011 Urukiko Rwisumbuye rwa Huye rwongera kwanga ikirego ruvuga ko ngo hari urubanza rwabaye itegeko.Ibyo byose rero UWIMANA Ancilla akaba abona ntashingiro bifite kuko Urukiko Rwisumbuye rwa Huye rutagaragaza impamvu rushingiraho ruvuga ko urubanza rwabaye itegeko kandi rutarigeze rwakira ikirego ngo rugisuzume mu mizi yacyo. Ibyo rero bikaba binyuranije n'Itegeko Nshinga rya Repubulika y'u Rwanda ryo kuwa 04/06/2003 nkuko ryavuguruwe kugeza ubu mu ngingo yaryo ya 19 igika cya 2 ndetse n'iyi 141 igika cya 2. Ikindi kandi Urukiko Rwisumbuye rwa Huye rwirengagije nkana ihame ry'ubutabera ko ntawe ushobora kwitwaza ko urubanza rwabaye itegeko kandi ikireko kitarakiriwe ngo gisuzumwe mu mizi yacyo( On ne peut pas opposer la force de la chose jugée alors que la demande a été irrécevable).