INSHÂAMAKÊ
Uyu murimo w'ûbushaakashaatsi wiitwâ «
Kubôna imbere hazâaza mu buryô bwiizâ
kw'âbatuurarwaanda n'îteerambere ry'îgihûgu
cyâabo. Isêseengura rifatîye ku gikorwâ
cy'ûmuhiimbyi w'înkurû akaba n'ûmuhaânga mu
gushushaanya A.Z.C » warî ufîte inteego nyamûkurû
yô gushyîra ahagâragara ibikorwâ bishyâ mu
rwêego rw'ûbuhaanzi, ibyo bigatuma hâgaragazwa ukuuntu
iteerambere riturûka ku bumenyi bw'âbaantu.
Twiîhaaye kaândi ukurî nzîganyo
gukurîkira: 1) Iteerambere ry'û Rwaanda risaba kô
abatuûrage bâarwo babonâ imbere hazâaza mu buryô
bwiizâ. 2) Ukubôna imbere hazâaza mu buryô bwiizâ
byaâtumye umuhaanzi A.Z.C. ashôbora gukora umushinga
w'înkurû zishushâanyije.
Kugira ngo tumenyê kô uko kurî
nzîganyo arî impâmo, twiîfashiishije uburyô
bw'îisêseengura buhiimbîtse, icukuumbura na ankeêti
ikôrwa hîifashiishijwe urupapuro rw'îbibâzo.
Abaâkozwehô ubushaakashaatsi (ibyiiciro 72
byaâtooranyijwemô abaantu 10 murî buri cyiiciro
hâkurikijwe akamaro buri muuntu yaagirîra ubushaakashaatsi)
twaâbasaanze mu ntâarâ zaa cyêera z'û Rwaanda
(Butâre, Gitarâma, Kibuye na Ruheengeri) n'ûmugî wa
Kîgalî, kuva murî Gashyâantâre kugeza murî
Kamêna 2004.
Ibyaâgezwehô n'ûbushaakashaatsi
byaâdufashije kubôna kô tûgeendeye ku kuuntu
57.50% by'âbaâbajijwe bashiishîkajwe n'uûwo mushiinga
w'înkurû zishushâanyije, bituma twêemeza kô
murî rusaânge ukenêwe kaândi
n'ûwawûteekereje ntiyakâbije mu kubôna ibiintu mu
buryô bwiizâ. Akeênshi, abahaanzi b'Âbanyarwaanda
batiinya gukôra beêne uwo mushiinga kubêera gutîinya
igihoombo. Ibi bikaba bîsaba kô umuhaanzi ubyîiyemeje
abaanzâ gutêekereza imbere hazâaza mu buryô
bwiizâ.
Ku birêebana n'îitêguurwa
n'îishyîrwa mu bikorwâ ry'ûmushiinga ubyâara
inyungû nyuma y'îgihe kireekire kaândi ukaba usâba
inkûunga itûrutse haanzê, 18.89% by'âbaâbajijwe
ntibabikôzwa kubêera kô badafitê ubumenyi
buhaagîje, 1.81% biitwaaza kô ntâa cyiîzeere
bafitê cyô kubahô igihe kireekire, 12.92% bavuga kô
baâciiwe integê n'âbaâgoombaga kubâteera
inkûunga, 3.89% bavuga izo mpaâmvu ebyiri zaa nyuma, 62.50%
bô ntaa ngoôrane bahuurâ na zô kukô
batiigîra bâbiteekerezahô. Ibi bituma dûhamya kô
gukôra umushiinga ubyâara inyungû nyuma y'îgihe
kireekire mu Rwaanda bisabâ kubaanza gutêekereza imbere mu
buryô bwiizâ. Ibi byôose byaâtumye twêemeza
kô ukurî nzîganyo ku kibâzo arî impâmo.
Dûsooza uyu murimo, twaâtaanze ibyîifuuzo
byaafashâ kurushahô gutêeza imbere igihûgu.
| 
